Flash Lajme(Anglia)

Kapelo: Runi ishte madheshtor!

Sulmuesi i Mancesterit, Uejn Runi ndihmoi trajnerin e ri te kombetares, Fabio Kapelon, qe te mbyllte sa me mire diten e tij te pare te punes. Kapelo duhet te fillonte zyrtarisht pune diten e hene, por ishte i pranishem te shtunen ne "Villa Park" per te ndjekur suksesin 2-0 te Junaitedit ndaj Aston Viles, ne nje ndeshje te Kupes se Anglise. Me nente lojtare ne listat e kombetares si titullare nga te dyja skuadrat se bashku, Kapelo e perdori ndeshjen per te vezhguar kandidatet dhe per te krijuar ide me te qarta rreth tyre. Megjithate, ishte zevendesuesi Uejn Runi ai qe shkelqeu me shume dhe pritet qe te thirret nga Fabio per miqesoren e muajit te aerdhshem ndaj Zvicres. Kristiano Ronaldo shenoi golin e pare te ndeshjes, perpara se Runi te realizonte edhe nje tjeter ne minuten e fundit. "Ishte dicka e mire qe ndoqa nje ndeshje ne te cilen luajten shume kandidate per kombetaren", deklaroi Kapelo. "Pa dyshim, te shihje nje lojtar si Runi qe u fut ne loje si rezerve, por pati nje impakt te tille ne fushe ishte dicka shume e bukur". Garreth Berri beri edhe ai nje paraqitje te mire ne mesfushe, edhe pse humbi disa duele shpejtesie me Kristiano Ronaldon. Kertis Dejvis pati gjithashtu disa momente te mira, se bashku me Eshli Jangun dhe Najgell Reo-Koker. Ylli i ri Gabriel Agbonlahor nuk ishte ne nje dite vecanberisht te mire, ndersa portieri Skot Karson demtoi edhe me shume shanset e tij per t'u grumbulluar me dy gabime te dukshme. Lojtaret me etiketen e kombetares se Mancesterit, Rio Ferdinand, Ues Braun, Majkell Karrik dhe Ouen Hergrivs, i futur gjithashtu ne loje nga stoli i rezervave zhvilluan nje paraqitje te mire, edhe pse eshte e qarte qe ata nuk kane nevoje per prova per te mesuar cilesine e tyre.

Kapelos iu rezervua nje pritje e ngrohte ne "Villa Park" dhe disa prej tifozeve i shtrenguan doren, ndersa trajneri i ri i kombetares angleze pozoi me durim perpara fotografeve. Ai ishte i pranishem dje ne ndeshjen e Kupes se Anglise, midis Lutonit dhe Liverpulit. Kapelo shtoi pas ndeshjes se "Villa Park". "Ndihem me te vertete mire qe kam nisur sot punen time. U mrekullova nga pritja qe me rezervuan ne stadium dhe nga atmosfera qe u krijua ne te. Tifozet u tregaun fantastike me mua dhe klubi i Aston Viles nuk mund te me kishte ndihmuar me shume. Pres me padurim te shikoj sa me shume ndeshje ne javet ne vazhdim".

Endrruan Drogbane, por u bene ushqim per peshqit!


Shkojne ne Europe per te luajtur me Milanin ose Paris SG, por realiteti per shume futbolliste te rinj afrikane jane trotuaret e qyteteve te medha, ku shesin canta fallso apo sende te tjera. Ndersa se shpejti ne Gana do te luhet Kupa e Kombeve te Afrikes, raportojme nje lloj te ri trafikimi qe eshte shnderruar ne nje problem social ne kontinent.

Nga Den MekDuall, "The Observer"

Sapo ka zbardhur ne Xhejmstaun, prane kryeqytetit te Ganes, Akres. Ndersa une behem gati qe te ha mengjesin dhe te pi nje gote qumesht te nxehte, te terheq vemendjen thirrja e femijeve qe duke sfiduar deshiren e nenave te tyre kane dale ne fushen me dhe prane hotelit per te luajtur futboll. Gjysme te zhveshur dhe te pashqyer mire, tek topi keta femije gjejne mundesine per t'u shkeputur nga realiteti afrikan dhe per t'iu bashkuar nje endrre te madhe qe i mahnit. Per ta, nuk ka shume rendesi emri i skuadres. Te gjithe enderrojne qe nje dite te veshin fanellen e Ajaksit, Shalkes, Torinos, Portsmuthit apo Benfikes. Pas femijeve, ne nje cep te fushes prane nje muri, nje poster i madh i Mishel Esienit qendron i varur. Nje mit i vertete ne Gane, eshte ai shembulli qe keta te rinj deshirojne te ndjekin. Ne cdo shqelm qe i japin topit, ate femije enderrojne te jene milioneri afrikan i radhes, qe luan me nje klub te madh ne Champions League. Dhe ndersa dielli vazhdon te ngrihet, ne cdo kend te Akres, nga fushat me bare te thare dhe deri ne rruget e pluhurosura dhe te zhurshme te Akres, futbolliste te rinj shfaqen porsi kerpudhat pas shiut.

Ne vend ka shume akademi futbolli dhe shume prej tyre jane te palicensuara. Sipas rregullave te FIFA-s, ato duhet te licensohen nga Federatat kombetare ne vendet ku veprojne, por realiteti ne Gana dhe ne komshinjte e Bregut te Fildishte eshte se sa me te suksesshme jane bere kombetaret e tyre ne vitet e fundit, aq me shume jane perhapur akademite e palicensuara ne vend. Shume prej tyre kerkojne nje pagese nga prinderit e familejeve me shume antare, te cilet shpesh here i shkepusin femijet e tyre nga shkolla per t'i lejuar qe te perqendrohen vetem tek futbolli. 90% e akademive qe vizitova ne Akra dhe ne Abidjan, qyteti me i madh ne Bregun e Fildishte ishin prona te njerezve qe e konsideronin veten ish-futbolliste, por nuk ishin ne gjendje te jepnin prova per karrieren qe pretendonin te kishin zhvilluar. Qelimi i tyre eshte te zbulojne Esienin apo Drogbane e ardhshem.

Pervec akademive, verdalle ketyre femijeve te etur per te luajtur futboll vijne edhe shume manaxhere europiane, arabe ose edhe afrikane, te cilet blejne pronesine e lojtareve me premtues per vetem disa dhjetera ose qindra dollare. Fale kontakteve te tyre, shume prej ketyre lojtareve lidhin kontrata me skuadrat europiane dhe keta agjente perfitojne dhjetera mijera dollare kur kjo ndodh. Megjithate, ne shume raste jane familjet ato qe duhet te perballojne koston e udhetimit te djemve te tyre per t'u provuar ne Europe dhe kete arrijne ta perballojne vetem duke shitur gjera me vlere, apo bizhuteri te familjes. Shpesh here, agjentet nuk interesohen me per futbollistet qe deshtojne ne testet qe bejne me skuadrat europiane dhe nderpresin cdo kontakt me ta. Kjo do te thote qe te rinjte afrikane mbetetn ne rruget e qyteteve te medha europiane, ne shume raste pa ditur as gjuhen dhe pa patur asnje vend ku te mbeshtetet. Toni Bafoe, ish-kapiteni i kombetares se Ganes dhe ambasadori i ketij viti per Kupen e Kombeve te Afrikes nuk heziton kur flet: "Ky eshte nje trafikim i paster qe ndodh me femijet afrikane. Familjet nuk duhet te besojne tek keta agjente dhe pseudotrajnere. Akademite ilegale kane instaluar nje sistem te shfrytezimit sistematik te te rinjve ne Afrike. Familjet nuk duhet te harxhojne kursimet e jetes se tyre kur i paraqiten oferta te tilla".

Mafiua Asare eshte nje 11-vjecar me disa cilesi te rralle teknike. Ne fushen 90% dhe i kuq dhe 10 rere, ai eshte i afte te beje gjera me te vertete te rralla. Se bashku me shume 10-11 vjecare te tjere, Asare nuk rresht se vrapuari, edhe pse gjate kesaj kohe duhet te thithe vazhdimisht tynmin e ngritur dhe eshte e veshtire te kuptosh kur shenon nje gol, pasi shtyllat jane vetem dy tulla. Trajneri i tij 23-vjecar, Isak Aloti ka nje menyre te vecante trajnimi: "Nuk duhet t'i lesh te pushojne asnje moment keta femije". Aloti, i cili e konsideron veten nje "ekspert futbolli" dhe ish-futbollist, edhe pse nuk eshte ne gjendje te thote emrin e skuadres per te cilen ka luajtur, me prezantoi me dy prej yjeve te tij, Daniel Vijon dhe Imano Buson, te dy 12 vjec. "Keta jane djemte e mi", thote Aloti. "Kam kontratat e tyre, firmat e prinderve dhe do te shkojne te testohen ne Europe kur te jene gati. Per ta ka shfaqur qe me pare interes nje agjent i Paris SG. Agjentet vijne ne kete qytet per te pare futbollistet, ne kerkim te atyre cilesive te vecanta, te asaj magjie qe skuadrat europiane kerkojne. Te dy keta djem e kane ate". Daniel Vijo ka nenshkruar me Alotin nje kontrate qe i premton ketij te fundit 50% te paradhenis se pare te kontrates profesionale te Vijos. "Vetem nese Danieli ben progresin e shpresuar, atehere une mund te pres qe te marr shperblimin tim per punen e bere, sepse ndihma ime si ekspert i ka mesuar atij shume gjera te vlefshme. Prinderit e tij kane nenshkruar nje kontrate me mua dhe nuk dop ta lejojne te largohet prej meje ne nje trajner tjeter. Nderkohe, familja po kursen para per testin e tij ne France. Mund ta bej gjithcka te thjeshte per kete djale", shton Aloti. "Isaku do te me ndihmoje qe te realizoj endrrat e mia", thote Danieli, i cili ka lene shkollen ne Akra per te luajtur ne te ashtuquajturen akademi. "Mamaja ime i ka besuar dhe familja ime po kursen para per udhetimin tim ne France, ku do te shkoj te provohem ne ndonje klub. Do t'i paguajme Isakut ate qe i takon per te gjithe punen e tij dhe shpresoj qe t'ia dal mbane. Nese po, atehere do te marr me vete nenen time ne France dhe do t'i blej asaj nje shtepi ne Paris".

Ajo qe nuk di Danieli eshte qe nje udhetim i ligjshem ne Europe per te do te jete pothuajse i pamundur, duke patur parasysh besueshmerine e akademise se tij. Menyra e tij e vetme per te shkuar ne Europe eshte ajo e jashteligjshmja, me gomone qe shkojne ne Ishujt Kanarie dhe qe prej andej ne territorin spanjoll. Ne maj, kur nje peshkarexhe u kap prane Tenerifes me 130 afrikane te rinj, kishte edhe 15 adoleshente qe besonin se po shkonin per te luajtur tek Marseja ose Reali i Madridit. 750 000 femije nga Gana, Kenia, Nigeria dhe Afrika e Jugut luftojne per 23 vende te programit vjetor te FIFA-s, "Aspire", qe dergon te rinjte ne klube te verteta europiane per t'u testuar. Problemi eshte se shume prej atyre qe mbeten jashte vazhdojne te ndjekin endrren e tyre dhe shpesh here, nje kembengulje e tille rezulton fatale ne sistemin e instaluar.

"Ka disa agjente trafikante"

Ebanuel Eboue (Arsenal dhe Bregu i Fildishte): "Kur isha nente vjec luaja ne nje skuader te vogel ne Abidjan, ne Breguin e FIldishte. Luajta me skuadren per pese vjet perpara se te luanin nje miqesore ndaj nje akademije te njohur ne qytet. Ne ate ndeshje bera nje loje te mire dhe trajneri i akademise me mori atje. Akademia kishte nje binjakezim me klubin belg te Beverenit dhe cdo dy vjet, 3-4 lojtare shkonin te luanin ne Belgjike. NJe dite erdhen dhe me thane qe Bevereni donte te luaja per te. Keshtu shkova dhe luajta per kater vjet ne Belgjike. Nuk mendoj se akademite trafikojne femije, por jane ata qe paraqiten si agjente. Histori te tilla nuk jane te rralla".

"Te rinjte kane nevoje per ndihme"

Andre Bikej (Reding dhe Kamerun): "Nuk kam luajtur kurre ne nje akademi. Nisa te luaja ne shkolle, prane shtepise sime. Luaja ne nje klub te kategorise se trete kur u perzgjidha nga kombetarja U-17 e Kamerunit dhe atehere e mora futbollin seriozisht. Gjate nje turneu ne Itali, trajneri i Espanjolit me ftoi te beja nje test ne skuadren e tyre dhe tani ne karrieren time kam pervoja ne Spanje, Portugali, Rusi dhe Angli. Shume skuadra europiane shkojne ne Afrike per te blere lojtaret me te mire, por zakonisht jane te rinjte qe shkojne ne Europe per teste. Ata udhetojne pa patur asnje para dhe asnje mbeshtetje dhe mund te bien lehte ne rrethe qe duan t'i shfrytezojne. Mendoj qe te rinj te tille kane nevoje per ndihme".

Ferdinand: Kupa është objektiv për ne



Mbrojtësi i Mançesterit ka theksuar se ata duhet ta fitojnë kupën, ashtu si kampionatin dhe Ligën e Kampioneve
Rio Ferdinand insiston te fakti se Mançester Junajtid duhet të japë maksimumin në Kupën e Anglisë, pas fitores që kanë arritur dy ditë më parë me Aston Vilën. Ka qenë Kristiano Ronaldo ai që ka shënuar golin e parë dhe të 19‑n në këtë sezon, dhe më pas Uejn Runi, i cili u fut në këtë ndeshje si zëvendësues. I pranishëm në këtë ndeshje ka qenë dhe trajneri i ri i Anglisë, Fabio Kapelo. Thuajse kjo fitore ishte e parashikuar, duke pasur parasysh se ishte e 10‑ta radhazi për Mançesterin në kupë, nga 12 ndeshje të zhvilluara. Sipas Rio Ferdinand, fakti që Mançesteri luajti me të gjithë lojtarët kryesorë në këtë ndeshje tregon edhe një herë se sa të rëndësishme e kanë këtë veprimtari, edhe pse luftojnë për titullin në kampionat dhe për Ligën e Kampioneve. "Kupa e Anglisë është e rëndësishme dhe ne e kemi në objektivat tona këtë sezon. Ne duhe ta fitojmë atë! Për këtë nuk ka asnjë dyshim, - ka deklaruar mbrojtësi i qendrës, Rio Ferdinand. - Kjo ishte edhe arsyeja që ne shkuam në "Vila Park" me gjithë formacionin kryesor. Kur kemi në pankinë një lojtar si Runi, gjithmonë mund të jemi të rrezikshëm. Ai, kur futet në fushën e lojës, bën diferencën. Në momentin që u fut në fushën e lojës, ndryshoi gjithçka. Ai është lojtar shumë i mirë; është fantastike që e kemi në skuadër. Por të gjithë djemtë e skuadrës janë shumë të mirë, ndërkohë që vetë Runi, edhe pse qëndron si zëvendësues, tregon karakter profesionisti." Kapelo, i pranishëm në stadium, ka qenë i shoqëruar nga shefi ekzekutiv i federatës, Brajan Baruik. Trajneri italian ka mbetur i befasuar nga ndryshimi i lojës, kur në fushë u fut Runi, i cili shënoi edhe golin e 11‑të për këtë sezon. Pas përfundimit të ndeshjes, edhe vetë trajneri i Mançesterit, Sër Aleks Ferguson, i ka përgëzuar lojtarët e tij. "Ronaldo në fillim ishte në vështirësi, por gjithmonë ai di t'i kalojë pengesat dhe të shënojë. Kjo ishte ajo që bëri diferencën në lojën tonë. Edhe futja e Runit në fushën e lojës ndikoi pozitivisht. Po mendoja për një Ole Gunar Solskjaer, por Runi është edhe më mirë. Ai na entuziazmoi, menjëherë sa u fut në fushën e lojës." Ferguson, pak ditë më parë e kishte kritikuar tifozërinë e skuadrës së tij si të përgjumur, ndërkohë që në ndeshjen e së shtunës ishin të shumtë ata që e kishin ndjekur skuadrën në këtë transfertë. "Kishim rreth 7 500 tifozë që organizuan një festë shumë të bukur këtu. Kur tifozëria jonë është kështu, ne nuk i lëmë pa shpërblyer," ka përfunduar Ferguson.

Shtypi anglez: Benitez, larg Liverpulit!

Shpeshtohen zërat për një largim të spanjollit nga "Andild Road", në fund të sezonit

Janë të shumtë ata që mendojnë se në fund të sezonit Rafael Benitez do të pushohet nga puna dhe vendin e tij do ta marrë Hoze Mourinjo. Edhe pse u përgënjeshtrua, para pak kohësh, një gjë e tillë, ditën e diel mediet angleze kanë shkruar për një largim të spanjollit nga Anglia, pas problemeve të vazhdueshme që ka me pronarët amerikanë. Sipas të përjavshmes "Sunday People", "Benitezi do të jetë trajneri i Realit të Madridit verën e ardhshme. Benitez mendon se lufta e tij kundër pronarëve amerikanë është e kotë që të vazhdohet." Ndërkohë, "News of the World" citon një mikun e ngushtë të Benitezit: "Ai kërkon të qëndrojë, por mendon se shumë shpejt pronarët amerikanë do të vendosin që ta largojnë, pasi polemikat mes tyre vazhdojnë." Nëse vërtet Benitezi do të largohet, ai nuk do të qëndrojë për shumë kohë pa punë. Në krye të listës së skuadrave që e kërkojnë qëndron Reali i Madridit, ndërkohë, më pas është Interi, Milani, Bajenri i Mynihut dhe Valencia, të gatshme për ta marrë spanjollin. Por një tjetër çështje është, se kush do të jetë trajneri që do të zëvendësojë Benitezin te Liverpuli. "The Observer" shkruan se shumë shpejt do të konfirmohet Hoze Mourinjo, si trajneri i ri i Liverpulit, pasi portugezi kishte deklaruar se do të rikthehej në Angli për të drejtuar një skuadër të madhe. Ai po qëndron pushim që nga shtatori i shkuar, kur u largua nga "Stemford Bridxh". Megjithatë, për Mourinjon kanë interes edhe skuadra, si Barcelona, Reali i Madridit apo Milani. Po sipas "The Observer", nuk ka pasur kontakte mes pronarëve amerikanë të Liverpulit dhe Mourinjos, por ata e njohin shumë mirë portugezin dhe i dinë aftësitë e tij. Mjafton të kujtosh faktin se Mourinjo është diskutuar për të qenë trajneri i Liverpulit, që në vitin 2004. Kur është pyetur njëri nga pronarët e Liverpulit, nëse janë duke u interesuar për Mourinjon, si trajnerin e së ardhmes, ai ka deklaruar: "Familja Mourinjo u fol se do të jetonte në Londër, edhe në kohën kur ai përflitej të bëhej trajneri i Anglisë, por nuk ndodhi kështu. Për këtë arsye, askush nuk duhet të jetë kaq entuziast për fjalë të tilla. Liverpuli nuk është njësoj si Londra. Ne kemi një klub të madh, ndërkohë që Mourinjo e "dashuron" futbollin anglez. Për momentin, na duhet të presim."


Mançester Siti duket se është i gatshëm të shpenzojë 14 milionë sterlina, për të firmosur një kontratë me sulmuesin brazilian Afonso Alvesh. Lojtari i Hernvenit është kërkuar edhe nga Midëllsbrou, por Alkmari ndodhet akoma më pranë. Me këta të fundit kontrata dështoi vetëm në momentin vendimtar. Alvesh, i cili ka shënuar 35 gola në 31 ndeshje sezonin e kaluar, duket se do të kalojë në kampionatin anglez, për të gjetur një vend në përfaqësuesen braziliane. "Endrra ime është të luaj në kampionatin anglez. Ky kampionat do të më japë mundësi për të luajtur më pas në përfaqësuesen time," ka thënë Alvesh. Ndërkohë, trajneri i Sitit, Erikson, duket se është i interesuar edhe për sulmuesin e Bajernit të Mynihut, Lukas Podolski.

Avram Grant i ka hedhur poshtë fjalët, sipas të cilave, kapiteni Xhon Terri do të mungonte për pjesën e mbetur të sezonit. Terri po qëndron jashtë fushës së lojës, ku theu tre gishtat e këmbës në ndeshjen me Arsenalin, përpara Krishtlindjeve. Ai pritet të qëndrojë jashtë fushës së lojës për 8 javë, ndërkohë që mediet filluan të flisnin për një pushim të tij deri në fundin e sezonit. Menjëherë pas këtyre deklaratave, ka reaguar trajneri i Çelsit, Avram Grant, i cili thotë se deri në fundin e shkurtit Terri do të rikthehet. "Asgjë nuk ka ndryshuar në këto 2‑3 javë. Ka pasur shumë spekulime për rikthimin e Territ, por nuk janë të vërteta. Maksimumi i rikthimit të tij është tetë javë."

Fabregas: Të fitojmë sa më shumë!

Fransesk Fabregas ka gjetur tërësisht veteveten me fanellën e Arsenalit këtë sezon, duke luajtur një rol tepër domethënës në një skuadër tepër të re në moshë, por që është në krye të kampionatit anglez. Mesfushori spanjoll i ka çarë më dysh skuadrat kundërshtare me pasimet dhe lëvizjet e tij të shkëqyera, por ka kontribuar edhe me pjesën e tij të golave, duke realizuar 6 herë në 17 ndeshje si titular në Premier League dhe 4 gola në 5 ndeshje në Champions League. Mejithatë, ai nuk rrëmbehet nga euforia, pasi është i bindur që ka edhe shumë më tepër për të përmirësuar. “Jam vetëm 20 vjeç”, tha ai. “Dua të mendoj se mund të përmirësohem edhe më tepër, dua të mendoj se mund të bëhem më i mirë. Sigurisht dëshira për të arritur sa më lart më shtyn përpara, por e di mirë e lojtari i përkryer nuk ekziton. As Ronaldinjo, as Tierri Henri dhe as Samuel Eto’o nuk janë të përkryer, por mund të përmirësohen gjithmonë”, shpjegoi ai. “Kjo është e bukura e futbollit, gjithmonë ka vend për t’u përmirësuar. Dhe do të punoj shumë që të bëhem një lojtar i madh i Arsenait. Për mua, gjëja më e rëndësishme është që skuadra të fitojë tituj. Dhe le të shohim e të shpresojmë që deri në në fund të sezonit të kemi fituar sa më shumë tituj që të mundemi”. “Topçinjtë” do të ndeshen sot me Totenhamin në gjysmëfinalen e vjajtjes së Kupës së Ligës, por Fabregas dëshiron që skuadra e tij këtë vit të shkojë në finale dhe ta fitojë kompeticionin. Dhe gjithashtu, Arsenali vazhdon të pretendojë në tre kompeticionet e tjera, madje shumë besojnë se do të arrijë të kalojë edhe Milanin në Champions League. “Nëse vazhdojmë të fitojmë ndeshjet që do të luajmë, kjo do të thotë se do ta fitojmë një trofe”, tha Fabregas. “Dhe shpresoj që të mos dëmtohem në mënyrë që të luaj sa më shumë për skuadrën dhe ta ndihmoj atë. Nëse do të arrij të luaj çdo ndeshje, ose thuajse çdo ndeshje, si vitin e kaluar, atëherë do të mund të jem i kënaqur nga vetja”.

Mançesteri, turne në Afrikën e Jugut

Mançester (Angli) – Bosi i Mançester Junaitid, Sër Aleks Ferguson bëri të ditur se klubi i tij do të zhvillojë një tur përgatitor dhe në Afrikën e Jugut, gjatë përgatitjeve për sezonin e ardhshëm, atë 2008-2009. Kampionët në fuqi të Premier League do të jetë në Afrikë, më 19 korrik dhe turi do të zgjasë shtatë ditë. Në këtë turne nuk do të përfshihen lojtarë të Mançesterit që luajnë me kombëtaret e tyre në finalet e Euro 2008, si Kristiano Ronaldo me shokë, por do të jenë në afrikën e Jugut lojtarë të tillë si Wayne Rooney, Ryan Giggs dhe Rio Ferdinand.

“Dua të përsëris sukseset e 1999-ës”

Mançester Junajtid i vitit 2008 ka nisur me një fitore ndaj Birmingamit në kampionat dhe një fitore në Kupën e Anglisë ndaj Aston Vilës. Por, duket se edhe pse e kanë nisur këtë vit të ri me dy suksese radhazi, “djajtë e kuq” nuk ngopen. Dhe këtë gjë e ka konfirmuar vetë trajneri i tyre Ferguson, i cili në një deklaratë për shtyp ka thënë se skuadra zotëron një potencial shumë të madh, dhe ky mund të jetë viti i përsëritjes së 1999-ës (kur Mançesteri fitoi Champions-in, kampionatin dhe Kupën e Anglisë). Madje, përforcimet për ta, sipas trajnerit, janë: Karlos Tevez, Ouen Hartgrivs, Nani dhe Anderson, të cilët kanë një moshë të vogël, por një eksperiencë të mjaftueshme. “Jemi të përqendruar të marrim një fitore të suksesshme në Evropë, – shpjegon Ferguson, – por nuk harrojmë as kampionatin e as Kupën e Anglisë. Kemi shumë lojtarë, të cilët mund të aktivizohen në të tri kompeticionet. Jemi një nga skuadrat më të mira në Evropë, momentalisht, dhe i kemi të gjitha mundësitë për t’i fituar të tri këto kompeticione. Megjithatë, unë jam optimist, pasi i njoh vlerat e skuadrës sime. Lojtarët e ri do të jenë një ndihmë më tepër për ne në rrugën për të fituar Champions-in, kampionatin dhe Kupën e Anglisë. Mendoj se nëse të gjithë futbollistët do të japin maksimumin, atëherë gjithçka do të shkojë në mënyrën e duhur”, përfundoi kreu i pankinës, Ferguson.

Benitez: E dashuroj Liverpulin

Tekniku: Ndihem shumë i lumtur këtu, pasi e dua klubin, tifozët dhe qytetin


Ishte përfolur shumë për një largim të mundshëm të trajnerit spanjoll Rafael Benitez nga pankina e Liverpulit. Madje kohët e fundit, disa gazeta angleze kishin pohuar edhe faktin se vetë Benitezi kishte thënë se s’kishte më çfarë t’i jepte Liverpulit dhe për këtë arsye do të largohej. Por, në një intervistë për të përditshmen angleze “The Sun”, vetë tekniku është shprehur: “Nuk e di edhe sa herë të tjera duhet ta them, para se disa njerëz ta kenë krejtësisht të qartë, – ka nënvizuar trajneri i ‘reds’, – por dua ta përsëris edhe një herë, sepse është tepër e rëndësishme që të gjithë ta dinë. E dashuroj këtë klub, tifozët e saj, qytetin dhe ndihem mjaft i lumtur këtu”. Me këtë deklaratë, Rafa Benitez i ka dhënë për të disatën herë fund hipotezave që ishin bërë për një largim të mundshëm të tij nga të kuqtë.
“E ardhmja ime? Nuk e shoh veten as te Reali i Madridit, – vazhdon tekniku spanjoll, - e as te Interi, apo në ndonjë vend tjetër. Të ardhmen time e shikoj vetëm te Liverpuli, pasi këtu dua të qëndroj”. Në fakt, tri barazimet radhazi në Premier Ligë dhe në Kupën e Anglisë ia kanë mohuar paksa kënaqësi. Megjithatë, ai barazim 0-0 në shtëpi ndaj Mançester Sitit mund të ketë edhe paksa logjikë, por barazimet me Vigan dhe Ljuton të bëjnë të mendohesh pse kjo skuadër nuk po fiton... Dëmtimet nuk janë konsideruar asnjëherë si një alibi për këto rezultate. Madje as kur bëhet fjalë për dyshen e mbrojtjes Karrager–Axher.
“Formacioni aktual është më i miri që unë kam pasur në dispozicion qysh ditën që jam punësuar këtu, – vënë dukje Benitezi. – Në organikën tonë kemi shumë të rinj që mund të përmirësohen. Do të doja që të isha këtu edhe në verën e ardhshme dhe për shumë vite të tjera”.
Në ditët e fundit, emri më i frekuentuar për të zëvendësuar spanjollin ka qenë ai i Jurgen Klinsman. “Të shikoj emrin tim afër disa klubeve të tjera më ka mërzitur me të vërtetë pa masë.
Madje jam mërzitur akoma më shumë kur kam lexuar që disa miqtë e mi të afërt kishin thënë se unë do të largohesha, por këto janë thjesht thashetheme mediatike”, përfundoi ai.

Anelka kalon te Çelzi

Futbollisti francez, Nikolas Anelka karrierën do ta vazhdojë në radhët e skuadrës së Çelzit, pasi drejtuesit e këtij klubi kanë arritur marrëveshje për transferimin e 28-vjeçarit nga Boltoni.
Klubi londinez do t'ia pasurojë arkën Boltonit me 15 milionë funta, shifër të cilën e ka ofruar për transferimin e Anelkës, i cili në 22 ndeshjet e luajtura në këtë edicion ka shënuar 11 gola. Anelka më herët ka veshur fanellën e Arsenalit, Liverpulit, Mançester Sitit, Real Madridit dhe Fenerbahçes.

"Djajtë e kuq" nuk e lëshojnë Kristiano Ronaldon

Ndonëse mediat e ndryshme botërore që disa herë e kanë ndërlidhur Kristiano Ronaldon me klubet më të mëdha të botës, zyrtarët e “djajve të kuq” kanë thënë se nuk do të lëshojnë pe para asnjë oferte për portugezin.
Mesfushori 22-vjeçar ka shënuar 19 gola për skuadrën nga “Old Trafordi” në këtë edicion, duke vazhduar në këtë mënyrë formën e shkëlqyeshme nga edicioni i kaluar, kur Mançester Junajtedi e fitojë titullin e kampionit në Angli. “Nuk ka gjasa që ta shesim Kristianon, pa marrë parasysh se për çfarë oferte bëhet fjalë. Ai ka nënshkruar kontratë me ne deri në vitin 2012, kurse ne nuk jemi klub, i cili i shet lehtë futbollistët e vet. Ronaldo është Mançester Junajtedi, gjithçka rreth tij është Mançester Junajted. Ai është sikur Xhorxh Besti apo Erik Kantona. Lojtarët e tillë nuk shiten”, thuhet në kumtesën e klubit nga “Old Trafordi”.