Barcelona barazon në fushë të Sevillas

Valencia, Getafe dhe Recreativo Huelva kanë shënuar fitore, derisa Barcelona, Santander dhe Espanyol, kanë arritur barazime në ndeshjet e para për Kupën e Mbretit.
Barcelona arritit të nxjerrë barazim ndaj Sevillas, megjithëse vendasit ishin disa herë afër avancimit, përfshirë edhe një shtyllë nga Javier Chevanton. Thierry Henry i përfshirë në 11-she, shënoi në minutën 24 për Barcelonën, por Diego Capel barazoi, një minutë para fundit të pjesës së parë.

Nga ndeshjet tjera Zaragoza dhe Racing Santander, të mbetur me 10 lojtarë, po ashtu kanë nxjerrë barazim 1-1. Me po këtë rezultat ka barazuar edhe Espanyol kundër Athletico Madridit.

Recreativo Huelva ka mposhtur Villarrealin me rezultat 1-0, falë golit të Jose Martin Caceres, të shënuar në minutën e dytë. Getafe ka mposhtur ekipin e fundit të tabelës, Levante me rezultat 3-0, ndërsa Valencia ka shënuar fitore prej 2-1 ndaj Real Betis