Akst:Maqedonia është ngutur për vizat

Analisti gjerman Akst theksoi se Maqedonia ka marrë një vendim të gabuar dhe të ngutshëm për vizat me Shqipërinë.


Shefi i Katedrës për Integrimin dhe Politikën Evropiane në Universitetin e Disburgut, Hajnc Jyrgen Akst, në një intervistë për radio “Deutche Welle” deklaroi se Maqedonia nuk kishte asnjë detyrim të merrte një vendim të tillë për vendosjen e një sistemi vizash me Shqipërinë.

“Prandaj kjo është për tu cuditur. Vizat mund të kërkoheshin vetëm pas hyrjes në BE. Ky sistem vlen para futjes në zonen e Shengenit. Maqedonia as nuk ka filluar negociatat për anëtarësim me BE-në. Kjo të cudit. Ky hap mund të kuptohet vetëm si dëshirë për të rënë në sy për të mirë tek BE-ja për të shpejtuar fillimin e negociatave për anëtarësim”, theksoi analisti Akst.