Vritet i dyshuari për vrasjen e "Tigrit"

Shkup, 22 janar - Të martën pasdite policia ka vrarë 41-vjeçarin, Naser Nebiu, njëri prej të dyshuarve për vrasjen e pjesëtarit të Njësisë speciale "Tigra", në lagjen Autokomandë të Shkupit.
Sipas policisë, Naser Nebiu është vrarë rreth orës 16 në Haraçinë, gjatë një aksioni të organizuar policor për arrestimin e tij. Policia ka informuar se në kohën kur është intervenuar në shtëpinë e tij, 41-vjeçari ka dhënë rezistencë, ndërsa zjarri i hapur nga policia i ka marrë jetën atij.
Ndryshe, Naser Nebiu ka qenë i arratisur nga burgu i Idrizovës, ku ishte dënuar për të vuajtur dënim 10 vjeçar.
"Në momentin kur i njëjti ka parë rrezikun për arrestim, ai ka shtënë me armë zjarri në drejtim të policisë dhe me këtë ka marrë edhe përgjigjen e njëjtë", kanë theksuar zyrtarë të lartë të policisë.
I akuzuar për grabitje dhe përdhunim të dy vajzave 16-vjeçare, 37-vjeçari nga Haraçina u arratis nga "Idrizova" kur i kishin mbetur për të vuajtur edhe 7 vjet e 6 muaj burg.