Vlon në PRSD

Shkup 28 janar - Menjëherë pas dorëheqjes së ministres së Ekonomisë Vera Rafajllovska dhe padisë penale për sekretaren shtetërore në Ministrinë e Mbrojtjes në Partinë e Re Socialdemokrate mbretëron pakënaqësi e madhe. Për të tejkaluar mosmarrëveshjet, kryesia në një seancë urgjente ka caktuar mbajtjen e kongresit të jashtëzakonshëm më 22 mars të këtij viti, ku strukturat partiake do të mundohen t'i tejkalojnë mosmarrëveshjet e tyre. Sipas burimeve në këtë parti, kongresi do të jetë edhe një rrëmujë e vërtetë, e cila mund të rezultojë edhe me copëtimin të tërësishëm për shkak të mosmarrëveshjeve të thella brendapartiake.
Sipas burimeve të gazetës "Koha" në këtë parti, një pjesë e strukturës e kryesuar nga deputetët Vele Mitanovski dhe Mirjana Sekullovska, akuzojnë kryetarin Tito Petkovski, se ka pranuar dorëheqjen e ministres Vera Rafajllovska pa konsultime me strukturat e partisë dhe se vendimin e ka marrë në pajtim me disa persona afër tij. Petkovski gjithashtu akuzohet edhe për dorëheqjen e nënkryetarit të parlamentit Ivan Inastasovski. Grupi i udhëhequr nga Vele Mitanovski, gjithashtu nuk pajtohet që ish-ministrja e Ekonomisë, Vera Rafajllovska, se nuk ka kryer me sukses obligimet e saj. Sipas të njëjtave burime, gjatë një mbledhje të kryesisë partiake, ka ndodhur një incident, ku rast për hir të intervenimit të kolegëve të tyre nuk ardhur në duel fizik mes ministrit të Mbrojtjes Llazar Elenovski dhe ish-nënkryetarit të Parlamentit, Ivan Anastasovskit.