Shtatzënë në shkollë

Kumanovë, 31 janar - Rasti i fundi një nxënëseje të shtatzënë në Shkollën ekonomike të Kumanovës, ka tronditur bashkëshollarët e saj. Vajza që vie nga Vaksinca e Kumanovës derisa pret të bëhet nënë, vazhdon edhe ti ndjek mësimet, ndërsa autoritet e shkollës, përkundër bashkëshollarëve, as që janë në dijeni për një gjë të tillë.
"Sipas rregullores së shkollës, nxënëset e tillë padyshim se duhet të përjashtohen. Ato nuk kanë të drejtë të vijojë procesin mësimorë në atë gjendje, pasi që do të ishte në kundërshtim me ligjin, por edhe do të ndikojë negativisht në imazhin e shkollës dhe te nxënësit e tjerë", thotë pedagogia e shkollës së mesme ekonomike, Gëzime Ajdini. Pedagogia është e mendimit se njëherë e përgjithmonë duhet marrë masa më rigoroze që në të ardhmen të kemi gjenerata të zhvilluara, po padyshim, sipas saj, nevojitet edhe ndihma e prindërve. Fatkeqësisht shkollat e mesme shqiptare në Kumanovë për shkak që janë të ndara fizikisht nga objektet e shkollave amë, ku kanë mësuar së bashku me maqedonasit nuk posedojnë kuadër të plotë të udhëheqësisë së shkollës. Të gjitha këto institucione nuk kanë as psikologë. Psikologët mendojnë se këto dukuri negative të nxënësve pa dyshim se ndërlidhen me shumë faktorë, duke filluar nga vet prindërit, profesorët, psikologët në shkollë dhe më pastaj nga vet nxënësit. "Është më se e nevojshme një edukim seksual për të gjithë nxënësit, jo vetëm të shkollave të mesme, por duke filluar qysh nga klasa e shtatë nëpër shkollat fillore. Definitivisht ka nevojë ndoshta jo për lëndë, por të paktën kujdestarët e klasave, pedagogët por edhe psikologët e shkollave të grumbullojnë femrat dhe meshkujt ndaras që të jenë më të lirë dhe të diskutojnë për pasojat që mund të vijnë", sqaron Gjylshene Abdyli-Shaqiri, psikologe në shkollën fillore "Naim Frashëri" në Kumanovë. Ndërkohë, Qendra Sociale në Kumanovë bashkëpunon me Qendrën Spitalore dhe në raste të cilët janë mjaft të rralla, u ndihmojnë nxënëseve shtatzënë, edhe atë nëse janë raste sociale.
"Ka familje që kanë raste të tilla, ata paraqiten këtu te ne dhe sigurisht se ne i ndihmojmë ata. Qendra jep mendimin e vet rreth statusit social të familjes dhe më pastaj ekipi ynë ofron udhëzime për procedurat tjera të mëtutjeshme", thotë drejtori i Qendrës Sociale në Kumanovë, Ragmi Jusufi.

ncncnc u prish dunjaja vallahi

shkas po ndodh

po ceshtu bre shka kemi me i ba :S