Lajmet e reja Sportive

Sulmuesi Uejn Runi është shprehur i lumtur që i dha fund thatësirës së golit në Premier Ligë, duke shënuar tre të tillë në fitoren 4-0 të Mançesterit ndaj Boltonit. Shtypi britanik është treguar tepër i ashpër me lojtarin, duke e quajtur të pajustifikueshme zgjedhjen e Fergusonit për t'i besuar kaq gjatë dhe se një pushim në stol do t'i bënte mirë. Për Runin, kthimi te goli ka qenë një lehtësim dhe gëzim i madh, por edhe një kundërpërgjigje konkrete ndaj skeptikëve që vinin në dyshim rolin e tij jo vetëm te Mançesteri, por sidomos te kombëtarja e Anglisë. Runi u shpreh: "Jam i lumtur që u riktheva. Ka pasur shumë zëra javët e fundit që unë s'mund të shënoja më. Emocioni që ndjeva kur hyri goli i parë, ishte i papërshkrueshëm. Ishte një çlirim i madh, sepse u ktheva te goli pas një periudhe të gjatë. Ishte edhe më e bukur ngaqë iu ktheva golit me një tregolësh". Pas 10 ndeshjesh pa shënuar, ish-ylli i Evertonit gjeti formën kundër Boltonit të shtunën, duke shënuar dy herë brenda 16 minutash para se ta kompletonte tregolëshin në minutat e fundit. Ky ishte tregolëshi i parë i sulmuesit që nga debutimi me Mançesterin në 2004-n, në ndeshjen kundër Fenerbahçesë që u mbyll 6-2. "Më vjen mirë që po shënoj dhe që morëm tri pikë në një ndeshje të vështirë dhe shumë të rëndësishme për ne. Ndihem krenar me lojën time".
Ndërkohë, Sër Aleks Ferguson që me 6 nëntor feston 20-vjetorin në krye të "Old Trafordit", deklaroi se synon të fitojë Ligën e Kampioneve edhe një herë, para se të lërë stolin e Mançester Junajtid. Fergusoni ka fituar tetë tituj Premier Lige, pesë Kupa Anglie, dy Kupa Lige, një Kupë Kupash dhe një Kupë Kampionesh me Mançesterin. Ekipi i skocezit duket se është pretendent sërish për Ligën e Kampioneve, me tri fitore radhazi deri tani. Kjo do të thotë se një pikë të mërkurën në transfertën e Kopenhagenit do të jetë e mjaftueshme për "Djajtë e kuq" që të kualifikohen në fazën me eliminim dy ndeshje para kohe. "E kemi prioritet që të paraqitemi mirë në "Champions" dhe kjo s'ka për të ndryshuar, sepse Europa është një motivim për të gjithe ne, - shprehet Fergusoni. - Në periudhën time te Junajtid duhej të kishim bërë më mirë. Në disa vite ishim të pafat, në vite të tjera na shpëtoi për pak dhe ndonjëherë nuk ishim të mirë sa duhet. Me pak fjalë, duhej të kishim fituar të paktën edhe një Kupë Europe gjatë drejtimit tim te klubi dhe shpresoj ta arrijmë këtë gjë përpara se të largohem nga skena sportive". Fergusoni nuk ka bërë të qartë edhe sa vite do të qëndrojë te Junajtidi dhe duket se gëzon imunitet të plotë ndaj shtypit, për shkak se klubi beson plotësisht te plani i Sërit për rigjenerimin e ekipit dhe ngjitjen në nivelet e larta.

Trajneri i Totenhemit, Martin Jol, e pranoi që do të interesohej për Devid Bekhamin nëse ish-kapiteni i Anglisë hidhet në merkato. Bekhami akoma s'ka firmosur kontratën e re me Realin dhe e ka shprehur hapur pakënaqësinë për aktivizimin e pakët në këtë sezon, pas ardhjes së trajnerit të ri, Fabio Kapelo. 31-vjeçari është përdorur më tepër si zëvendësues dhe mungoi në fitoren kundër Gimnastikut, për shkak të dëmtimit. Janë shtuar zërat për interesimin e klubeve amerikane, por Joli thekson se do të bëjë çmos për ta sjellë lojtarin në "White Hart Lane". "Jemi të kompletuar me mesfushorë krahu. Kemi edhe Uejn Ratlixhin që është i dhënë borxh, plus Hosam Galin dhe Aron Lenonin. Por Bekhami është një lojtar klasi që i jep skuadrës jo vetëm fantazi, por edhe besim".

Pas shumë ndryshimeve tek Ferrari, largohet edhe Ross Brown nga drejtori teknik si dhe Paolo Martineli, dizajner i motorit. "Ferrari faleminderon shumë Ross Brown dhe Paoli Martinellin për kontributin e tyre dhënë për të krijuar një kapitull të ri në hisotorinë e Ferrarit si dhe motorsportit në përgjithësi, ku janë fituar 11 tituj kampion dhe 90 fitore në Formula 1. Ross Brown do t;i kushtojë më shumë jetë provate kurse Paolo Martinelli do të angazhohet tek Fiat dhe ne i dëshirojmë gjithë të mirat në jetë" shkruhet në letrën elektronike të Ferrarit që i kishte dërguar PA Sport-it. Më herët edhe Jahn Todt është vë në krye të Ferrarit në vend të Luca di Montezemolo.

Njëri ndër prodhuesit më të mëdhenj në botë i automobilave Daimler-Chrysler është në rrugë të bëhet pronar 100% i ekipës së McLaren e cila garon në botën e Formula 1.
Për t'u bërë pronar i vetëm i McLaren, kompania Daimler-Chrysler, i cili në botë është i pesti për prodhimin e automobilave, duhet të blejë edhe 60% të ekipit. Shefi Ron Denis është pronar i 30% kurse një investitor nga Arabia Saudite, Mansur gjithashtu ka 30% të aksioneve.
Para 6 viteve Daimler ka blerë 40% të aksioneve për 400 milionë dollarë.

Biznesmeni amerikan dhe milioneri Alfred DiMora do të prodhojë automobilin Natalia SLS 2 i cili do të jetë më luksozi në botë. Ai do të kushtojë rreth 2 milionë euro dhe do të prodhohen vetëm 50 automobila në vit.
Ky auomobil do të ketë 1200 KF dhe motor 16 cilindërsh me 14.000 kubikë dhe tërheqje në katër rrota. Ngjyra e karoserisë do të ndryshojë në vartësi të temperaturës së jashtme.
Do të fillojë të prodhohet në vitin 2008 dhe secili blerës nëpërmjet web kamerës të vendosur në fabrikë do të mund të përcjellë se si po shkojnë punët dhe të shikojë prodhimi i saj. DiMora në autoindustri nuk është e njohur deri tani. Pronari është një 80 vjecar i cili ka qenë pronar i Clenet, i cili ka prodhuar automobila për 2 persona të stilizuar të viteve 30-ta.

Ekziston një rregull e shkruar tek prodhuesit me renome kur prezantohen modelet e reja duke përparuar ofertën e tregut të automobilave së paku në disa karakteristika. Për Ford me rëndësi është stabiliteti dinamik dhe komfori, Fiat me siguri pamjadhe dizajni, Honda me teknologji moderne dhe kështu me radhë. Kur bëhet fjalë për Mercedes ajo cka duhet të regjistrohet gjithmonë është dinamika si dhe dizajni shumë konzervativ në kontaktin e parë.
Konkretisht, tek CL nuk ka pasur shumë për inovacione, sepse gjithë atë që ofron S klasa e re si dhe SL janë shumë larg konkurentëve. Por me siguri edhe një gjë e tillë nuk ekziston. Si Audi ashtu edhe BMW nuk kanë ndonjë Coupe luksoz, ku edhe Bentley apo të njejtit as që mund të konfrontohen.




Mercedes-Benz prej vitit 1952 ka prodhuar gjithsejt 178.000 Coupe Luksoz, dhe me këtë model ata po planifikojnë që shumë shpejtë të kalojnë shifrën prej 200.000 automobila të prodhuar.
Pesë shekuj me radhë me traditë dhe një investim të madh ka ardhë deri te një prodhim i një automobili superior. CL është dicka edhe më shumë se kjo e gjitha. Bëhet fjalë për Coupe më të sigurtë në botë ku Pre-Safe në vend të vozitësit detekton mundësinë e fatkeqësive dhe kryen vet një manovrim të frenimit, ILS (Intelligent Light System) njeh 5 mundësi të punës për t'i përshtatur rrethit kurse ABC (Active Body Control) do të kujdeset që vozitja të jetë sa më komode (dhe më e sigurtë natyrisht).
Edhe pse mundësi të njejta apo edhe të përafërsishta ofrojnë shumë prodhues tjerë, asnjëri prej tyre nuk ka arritur që ti aplikojë tek një automobil të tillë, prandaj edhe Mercedes ka një përparësi shumë të madhe.



CL në raport me modelin paraardhës është më i madh në të gjitha dimenzionet. Ka një gjatësi prej 5.065 (+75 mm), gjerësi prej 1.871 (+14 mm) kurse lartësi prej 1418 (+20 mm). Përvec komforit të madh që ka CL, posedon edhe 40 litra të hapsirës shtesë për bagazh, me kapacitet prej 490 liytra sipas metodës VDA të matjes.
100 km/h arrin për 5.4 sekonda, gjegjësisht 4.6 tek CL600.
CL500 ka një motor 5.5 V8 atmosferik i cili ka 285/388 KW/KF gjatë 6.000 rr/min dhe 530 Nm. Automobili është i pajisur serik me 7-GTRONIC marsh automatik dhe harxhon mesatarisht 12.1 l/100 km. CL600 është më i fuqishëm. V12 Turbo motor ka 380/517 KW/KF gjatë 5000 rr/min dhe 830 Nm. Edhe tek ky marshi është automatik por me pesë shpejtësi.



Në aparaturë standarde në enterier gjenden të gjitha, nga tavani i qelqtë, klimës automatike e deri te CD/DVD multimedia. Në top model ka funksione masazhi, Command APS navigacion, Logic7 Surround dhe start pa celës.
Gjenerata e shtatë e Mercedes Coupe bën pjesë në të arriturat më të mëdha të njerzimit sa i përket mjeteve të transportit toksor. Superior në të gjitha gjërat, CL ofron edhe më shumë se sa ne jemi të vetëdijshëm. Ashtu e ka edhe cmimin.