Flash Lajme(Spanja)

Robinjo: Dua më shumë para!


Realit të Madridit po lind një problem shumë i madh me brazilianin Robinjo, i cili ka deklaruar se është i pakënaqur me rrogën që merr nga klubi madrilen dhe për këtë arsye i ka kërkuar këtyre të fundit që të përmirësojnë situatën e tij ekonomike. Rendimenti i mirë dhe golat e rëndësishëm që Robinjo ka shënuar deri tani, e duan një shpërblim. Braziliani ka qenë një ndër lojtarët më të veçuar të skuadrës madrilene në këtë pjesë të parë të sezonit dhe i ka dhënë shumë pikë të rëndësishme Realit të Shusterit. Robinjo mbërriti në Madrid në vitin 2005, atëherë kur Reali e bleu nga skuadra braziliane e Santosit. Robinjo firmosi një kontratë deri në 30 qershor të vitit 2010 me Realin dhe rroga e tij shkonte pak më shumë se 2 milionë euro në sezon, përveç shpërblimeve apo premiove të zakonshme. Gjithashtu, Robinjo ia dha klubit madrilen gjysmën e përfitimive që vinin nga imazhi i tij. Në sezonin e tij të parë me Realin, Robinjo nuk shkëlqeu aspak dhe blerja e tij u cilësua si e dështuar. 12 golat e tij nuk e ndihmuar Realin që të fitonte tituj. Një viti më vonë, pavarësisht se Reali fitoi titullin kampion, braziliani nuk u ngjit për asnjë moment në nivelt e larta. Por, gjithçka ka ndryshuar në Kupën e Amerikës, ku Robinjo udhëhoqi Brazilin drejt suksesit, duke mundur në finale 3?0 Argjentinën. Me kalimin e ndeshjeve, Robinjo shpërtheu dhe Shuster besoi tek ai për ta aktivizuar si titullar. Në sezonin aktual, Robinjo ka luajtur 18 ndeshje dhe ka shënuar 9 gola. Duke parë këtë situatë, Robinjo, nëpërmjet menaxherit të tij, Vagner Ribeiro, i ka kërkuar drejtuesve të Realit që të përmirësojnë aspektin ekonomik të lojtarit dhe që Robinjo të bëhet një nga lojtarët më të paguar të skuadrës madrilene. Deri tani nuk ka patur asnjë përgjigje nga Reali, por nëse situata vazhdon kështu, atëherë Robinjo mund të vendosë të largohet.

Presidenti i Valencisë demanton largimin e tre lojtarëve

Presidenti i klubit të futbollit Valencia, Huan Soler ka demantuar shkrimet e medieve sipas të cilave portieri Santiago Kanizares, David Albelda dhe Migel Angulo nuk janë më të mirëseardhur në klub.
“Lojtarët nuk janë larguar e as përjashtuar nga klubi. Shpresoj se do të vazhdojnë të shkruajnë historinë e Valencisë”, tha Soler.
Drejtuesi i Valencisë theksoi se ka marrëdhënie të mira me lojtarët.
“Vendimi për largimin e këtyre tre lojtarëve nga ekipi deri në fund të sezonit është çështje e taktikës së trajnerit Ronaldo Kuman, në të cilën nuk përzihem. Shpresoj se Kanizares, Albelda dhe Angulo do të mbeten në Valenci”, tha Soler.

Benitez, në verë emërim te stoli i Realit të Madridit

Pronarët e Liverpulit kanë vendosur ta largojnë në fund të sezonit


Në fund të sezonit, Rafa Benitez do të largohet nga drejtimi i Liverpulit dhe një nga kandidatët potencialë për të marrë skuadrën është Hoze Murinjo. Lajmi është bërë i ditur nga të përditshmet britanike, të cilat besojnë se shkak janë bërë marrëdhëniet e tensionuara prej kohësh që tekniku spanjoll ka me pronarët e klubit. Sipas "Sunday People", "më në fund, gjatë verës së ardhshme Benitez do të kalojë te Reali i Madridit - kjo është hera e tretë që drejtuesit e klubit spanjoll kërkojnë ta afrojnë. Trajneri beson se nuk ka më vend në ‘Anfilld‘, pas luftës me pronarët amerikanë, Tom Hiks dhe Xhorxh Xhilet". Ndërkohë, gazeta "News of the World" citonte "një mik të afërt" të Benitez, sipas të cilit: "Rafa dëshiron të qëndrojë në krye të skuadrës, por tashmë atij i është mbushur mendja se do ta largojnë, pasi pronarët nuk kanë treguar me fakte se e mbështesin punën e tij".

Në rast se do të vendoste të largohej (ose do ta largonin) nga Liverpuli, Benitez nuk rrezikon të qëndrojë pa punë. Alternativat nuk mungojnë dhe klubet e interesuara janë mes më të mirave në Evropë. Pas Realit të Madridit, "People" ka përpiluar edhe një listë me skuadrat që po ndjekin me vëmendje zhvillimet rreth teknikut. "Dy klubet kryesore në Itali, Interi dhe Milani, po qëndrojnë në pritje të atyre çfarë do të ndodhin. Edhe Bajerni i Mynihut ka shfaqur shumë interes për ish-trajnerin e Valencias, pasi drejtuesit gjermanë janë të impresionuar nga puna e tij". Sipas "Sunday Mirror", largimi i Benitezit në verë është i sigurt dhe drejtuesit madrilenë nuk janë menduar dy herë t‘i ofrojnë vendin e Shuster. "Në verë, Rafa do të largohet nga detyra e tij, por Reali i Madridit është gati ta punësojë", citonte gazeta e së dielës. "Ndërmjetësit e klubit spanjoll kanë lënë të kuptohet se Kalderon dëshiron që ish-trajneri i Akademisë së Realit të pasojë Bernd Shuster në fund të këtij sezoni. Në Gadishullin Iberik besojnë se aventurës së Benitezit te Liverpuli po i vjen fundi".

Një tjetër çështje që është ngritur është ajo e pasardhësit të tij në "Anfilld". Emrat nuk kanë munguar dhe në krye të listës qëndron i zakonshmi Hoze Murinjo. "The Observer" shkruante se "për momentin ende nuk ka pasur kontakte, por Murinjo është një nga preferencat e pronarëve amerikanë të Liverpulit". Një burim i gazetës ka deklaruar: "Dëshira e familjarëve të Hozesë është të jetojnë në Londër. Liverpuli nuk është njësoj si kryeqyteti, megjithatë klubi është një ndër më të mëdhenjtë në Angli. Për momentin duhet të presim dhe të shohim çfarë do të ndodhë". Alternativa të tjera janë edhe Jurgen Klinsman dhe Martin O‘Nill.

Espanjoli dhe Tamudo, "fluturimi" vazhdon

Sulmuesi i ka udhëhequr katalanasit në fitoren ndaj Vilarealit, e cila "blindon" zonën Champions

Sulmuesi Raul Tamudo ishte edhe një herë lideri i Espanjolit, teksa kalatanasit fituan bindshëm 3-0 ndaj Vilarealit, në fushën e tyre, duke u konfirmuar në vendin e tretë, por edhe si skuadra surprizë e këtij sezoni. 30-vjeçari shënoi dy herë, duke arritur shifrën e 123 golave, në vitin e tij të dhjetë me Espanjolin. Fitorja e konsolidoi Espanjolin në zonën e Ligës së Kampioneve, vetëm një pikë larg Barcelonës, rivales historike krahinore. Raul Tamudo ka qenë në formë gjatë gjithë këtij kampionati dhe, pasi është grumbulluar në dy ndeshjet e fundit nga trajneri Luis Argones po shkon i sigurt drejt pjesëmarrjen në Euro 2008 me kombëtaren e Spanjës. Kurioz është fakti se në secilin prej nëntë sezoneve të mëparshme ai ka shënuar më shumë se dhjetë gola për Espanjolin. "Ne e dimë që mjafton t'i krijojmë një gjysmë rasti, dhe ai do të shënojë," tha mesfushori Ivan De la Penja për gazetarët. "Tamudo është tmerrësisht konkret para portierit në zonën kundështare," shtoi partneri i tij në sulm, Luis Garsia. Nga ana e tij, Tamudo, i cili është rritur te të rinjtë e klubit të Espnjolit, u tregua modest dhe u shpreh. "Jam ky që jam, falë shokëve të skuadrës. Nuk mund të shënoj, nëse ata nuk më pasojnë atje ku duhet dhe kur duhet, - tha ai. - Të jesh sulmues i Espnjolit është më e vështirë sesa në skuadrat e tjera, sepse ne krijojmë më pak raste për shënim, në krahasim me ekipe si Reali, Barcelona, Vilareali, Valencia apo Atletiko e Madridit." Fitorja ndaj Vilarealit e shpuri në 14 ndeshje radhazi serinë pa humbje të Espanjolit. Finalistët e edicionit të kaluar të Kupës UEFA nuk kanë humbur asnjë nga takimet e luajtura me pesë vendet e para të Primera Divizionit, gjatë këtij kampionati. Kanë fituar ndaj Realit dhe Atletikos së Madridit dhe kanë barazuar me Barçën. "E dinim se si duhej ta fitonim këtë ndeshje, ku e gjithë vendmendja ishte e përqendruar mbi ne, - tha trajneri Ernesto Valverde. - Luajtëm shumë mirë, sidomos në sulm. E gjithë skuadra, në përgjithësi, bëri një punë të jashtëzakonshme. Nuk jam i habitur nga forma që po kalojmë. Ishim të rrezikshëm dhe shënuam tri gola që në fillim, duke e mbyllur ndeshjen. Kjo është mënyra më e bukur për të triumfuar."

Kasijas: Bufon s’është më i miri!
“Fati ekziston, por mbi të gjitha ekziston cilësia e kësaj skuadre”



Edhe një herë më shumë, në fitoren 2?0 ndaj Saragozës, Kasijas tregoi se është një prej portierëve më të mirë në botë. Me ndërhyrjet e tij, Kasijas shpëtoi në disa raste portën dhe lejoi madrilenët që të arrinin një fitore e cila i lejon të vazhdojnë të qëndrojnë në krye. Pas suksesit të arritur, portieri ndau gëzimin me të përditshmen spanjolle “AS”.



? Çfarë ndietë kur Viktor Fernandezi (trajneri i Saragozës) ju përkufizoj si lojtarin më përcaktues në kampionat?

? Nuk mendoj që jam më vendimtari. Kufizohem të them që bëj vetëm atë për të cilën paguhem, të pres topat dhe asgjë më shumë.

? Duket e pabesueshme që e thonë këtë për një portier.

? Eshtë e vërtetë që zakonisht përzgjidhet një futbollist që luan në fushë. Këto lëvdata më bëjnë të kuptoj që jam duke ecur në rrugën e duhur dhe më motivojnë që të vazhdoj të punoj.

? Cila ishte pritja më e vështirë që bëtë ndaj Saragozës?

? Sinqerisht, nuk mendoj se ndonjë prej pritjeve të mia ishte e vështirë.

? Sa pikë fiton Reali prej Kasijasit gjatë një sezoni?

? Nuk i kam llogaritur ndonjëherë dhe nuk mendoj se është e rëndësishme që ta bëj këtë.

? Tregohuni i sinqertë. Duhet të jetë një punmë e vështirë të jesh portieri i Realit?

? Gjithmonë është keq kur je portier. Mbase është pak më tepër te Reali sepse për mirë ose keq, këtu ka më shumë vëmendje.

? Cili është sekreti i Kasijasit? Çfarë ju bën të jeni ku që jeni?

? Sekret? Gjithmonë kam menduar që vazhdoj të bëj gjithmonë të njëjtën jetë si në fillim. Sekreti im qëndron tek mospërfillja e elozheve. Eshtë diçka e mirë që më vlerësojnë, por jeta ime do të vazhdojë të jetë e njëjta pavarësisht atyre që gazetat do të shkruajnë për mua.

? A ju tha diçka Shusteri pas ndeshjes së Saragozën?

? Jo, nuk më tha asgjë. Nuk e pashë pas ndeshjes pasi u futa menjëherë në dushe.

? Çfarë ndodhi me Diarranë pas ndeshjes? Ai erdhi ju tha diçka dhe ju filluat të qeshnit.

? Kam një raport shumë të mirë me Diarranë. Gjithmonë bëjmë shaka mes nesh. I thoja që ishte shurdhuar, pasi nuk më dëgjonte kur vendosa një herë murin në një goditje dënimi, ndërsa ai më thonte që nuk ishte fare goditje dënimi. Qeshëm sepse i thashë që po fliste pa lidhje, duke qenë se ishin dy gjëra të ndryshme.

? Gjuajtja e Gabit në goditjen e dënimit që po flisnit ishte një prej rasteve më të rrezikshme të ndeshjes.

? Gabi gjuajti me të vërtetë mirë sepse topi depërtoi midis murit dhemori një trajektore të çuditshme, pasi zbriti shumë shpejt, por Saragoza ishte në një prej atyre ditëve që duket se nuk do të shënosh pavarësisht atyre që bën. Çfarë mund të bëja unë?

? A mund të fitojnë portierët kampionate?

? Portieri është një pjesë shumë e rëndësishme e një skuadre. Besoj që po. Portierët, sulmuesit apo të gjithë të tjerët. Secili mund të bëjë ndryshimin, por për të fituar kampionatin duhet një skuadër e fortë në çdo drejtim.

? Shumë njerëz mendojnë se ju jeni portieri më i mirë në botë.

? Nuk e besoj këtë.

? Nuk iu përgjigjët pyetjes.

? Me të vërtetë nuk e besoj. Portierët, ashtu si të gjithë lojtarët e tjerë kalojnë momente të mira dhe të këqija gjatë karrierës së tyre. Ndodh që për 1?2 muaj ata të jenë heronjtë e shtypit, ndërsa më pas mund të shndërrohen në armiqtë numër një. Çfarë ndodhi me Mesin përpara një muaji e gjysmë? E njëjta. Ka momente në të cilat jemi në formë dhe të tjerë në të cilën nuk jemi. Mbase tani jam duke kaluar një moment të mirë forme, por kjo nuk do të thotë që unë jam më i miri dhe askush nuk mund të më konkurrojë.

? Deri Fabregas ka thënë që ju jeni portieri më i mirë në botë.

? Por, Sesku është një miku im. Kjo nuk konsiderohet.

? Si e shpjegoni shkathtësinë dhe forcën e veçantë që keni.

? Mendoj që kjo është diçka e lindur. Personalisht, është e vërtetë që kam një avantazh pasi zotëroj shumë fuqi në këmbët e mia, por kjo kompenson gjatësinë time. Jam 1,84 metra dhe kjo nuk është shumë për një portier.

? Cili është momenti më i bukur për ju në një ndeshje?

? Çdo pritje më fal një kënaqësi të veçantë. Gjithmonë kur shmang një gol ndihesh mirë.

? Markezi deklaroi përpara disa ditësh që Reali ka një portier të madh dhe shumë fat.

? Sinqerisht, besoj që duhet të kesh pak nga të gjitha. Fati është gjithmonë i rëndësishëm, por kryesorja është puna dhe tani skuadra po bën një punë shumë të mirë. Njerëzit nuk na shohin kur stërvitemi gjatë javës, por vetëm kur fitojmë në fundjavë. Nuk e kuptojnë që fitorja është fryt i stërvitjes së mirë që po bëjmë. Punojmë shumë dhe të gjithë së bashku. Fati, në disa raste është një plus i rëndësishëm, ndërsa në momente të tjera të vihet kundër, por në një kampionat me 38 javë fiton pothuajse gjithmonë skuadra më e mirë. Eshtë e vërtetë që kemi fituar edhe ndeshje në të cilat nuk e kemi merituar të fitojmë, por ka ndodhur edhe e anasjellta. Fati ekziston, por mbi të gjitha ekziston cilësia e kësaj skuadre.



Topi i Artë - “Asnjëherë nuk jam shqetësuar për faktin që emri im nuk figuron kurrë në votimet për çmimet e mëdha individuale. Opinioni që ka UEFA, FIFA apo “France Football” për mua më lë tërësisht indiferent, pasi ata nuk janë objektivë. Gjëja që më intereson më shumë është mendimi i njerëzve dhe ata janë treguar gjithmonë shumë të sjellshëm me mua. Më pëlqen që njerëzit të më njohin si lojtar, por mbi të gjitha si njeri, pasi kjo është më e rëndësishmja”



Përse Bufoni? - “Bufoni është gjithmonë ai që figuron në portë kur bëhen formacionet më të mirë, por ajo që kam të qart` unë është që nuk janë objektivë. I thashë Palopit sezonin e shkuar që ishte qesharake dhe aspak objektive që ai nuk fitoi asnjë çmim. E meritonte të ishte në formacionin më të mirë pas të gjithë asaj që bëri gjatë vitit. Askush nuk e zgjodhi atë, prandaj të gjithë këto çmime më duket shumë absraktë dhe aspak objektivë”.



“E meritojmë kreun” - “Kanë kaluar 17 javë dhe jemi në vendin e parë. Janë shumë, por ndodhemi atje ku e meritojmë. Nëse do të ishim të tretët ose të katërtat nuk do të ndodheshim në vendin e duhur. Megjithatë, e rëndësishme është të jesh në këtë pozicion kur të vijë fundi”.

“Titujt që ëndërroj” - “Besoj që 2008 mund të jetë një vit i madh për mua. Do të ishte fantastike të festonim në Madrid për titullin tonë të dytë radhazi dhe për Europianin e fituar me Spanjën”.

“Gjithmonë kam dashur Realin” - “Dëshira ime ka qenë gjithmonë të qëndroj tek Reali, edhe pse është e vërtetë që ka patur spekulime. Mirë ose keq, nëse luan tek Reali duhet të mësohesh me shumë spekulime. E vetmja gjë që kam të qartë është se më mbeten edhe tre vite kontratë me Realin dhe jam shumë i lumtur në “Bernabeu””

“Më i miri i historisë?” - “Do të jetë shumë e vështirë. Spanja ka patur gjithmonë portierë shumë të mirë. Nuk kam arritur të shoh Zamorën, por thonë se ai bënte mrekullira”.

“Pritja më e bukur e jetës” - “Eshtë shumë e vështirë të veçosh një prej të gjitha pritjeve që kam bërë. Ka shumë, që mbase nuk janë shumë spektakolare dhe mund të duken të thjeshta, por që kanë qenë shumë të rëndësishme për mua. Ditën e ndeshjes me Irlandën në Botëror (në 2002?n) shkuam deri tek penalltitë, që gjithmonë janë një llotari. Prita penalltinë vendimtare dhe u ndieva shumë mirë në fushë”.

Espanjoli Ofertë për sulmuesin italian, Rolando Bianki

Skuadra e Espanjolit duket se do të futet në merkato, në mënyrë që të arrijë të ruajë pozicion aktual në renditjen e kampionatit spanjoll. Sipas medias angleze dhe italiane, spanjollët kanë bërë një ofertë për sulmuesin e Mançester Sitit, Rolandi Bianki. Ata kanë ofruar 7 milionë sterlina për lojtarin që u transferua vetëm gjatë merkatos së verës te klubi anglez, për shifrën e 8.8 milionë sterlinave. Operacioni pritet të realizohet që në muajin janar, duke ditur se futbollisti është i pakënaqur dhe që klubi anglez është në kërkim të një sulmuesi. Espanjoli ka arritur të bëjë një paraqitje mjaft të mirë deri tani në kampionatin spanjoll.

Van Nistelroi rinovon deri më 2010-n

Sulmuesi holandez, Rud Van Nistelroi, ka rinovuar kontratën e tij me klubin e Realit të Madridit. Futbollisti 31-vjeçar, i cili u transferua te spanjollët në verën e vitit 2006, për shifrën e 15 milionë eurove, ka lidhur një marrëveshje, e cila e bën pjesë e skuadrës deri në vitin 2010. Sulmuesi holandez ka arritur të marrë përsipër sulmin e ekipit të tij, duke qenë mjaft i suksesshëm dhe duke dhënë një kontribut të shkëlqyer në arritjen e rezultateve pozitive të kohëve të fundit. Tashmë, mesa duket ai ka vendosur t’i japë fund karrierës me madrilenët, duke qenë se kontrata e re e mban të lidhur me Realin deri në moshën 34- vjeçare.