Fshehet numri i aborteve kundërligjore

Shkup, 29 shkurt - Në Maqedoni nuk ekziston ndonjë statistikë e saktë për abortet, ndërsa asnjëra nga Ordinancat Gjinekologjike nuk posedon listë me të dhëna për abortet mujore ose vjetore. Të dhëna rreth kësaj çështje nuk disponon as Ministria e Shëndetësisë. Ministri i Shëndetësisë, Imer Selmani paralajmëron se vazhdimisht do të kontrollohen Ordinancat private gjinekologjike, të cilat mund të kryejnë aborte, ndërsa parashikohen sanksione për gjinekologët dhe personelin tjetër pjesëmarrës në aborte ilegale. Ai thotë se, fatkeqësisht shumë aborte asnjëherë nuk bëhen publike në opinion, por as nuk evidentohen. Sipas tij, për herë të parë është paraqitur kryerje e abortit ilegal në një Ordinancë private, ndërkohë paraqitjet e rasteve të tilla dëshmojnë se ka filluar funksionimi i sistemit shëndetësor dhe Ligji në vend.